Ipatuman sang Commission on elections ukon Comelec region 12 ang satellite voter’s registration sa mga barangay nga wala sang kaso sang Coronavirus 2019 ukon COVID-19, ini ang pagpaklaro ni Comelec 12 Regional Director Atty. Michael Abas.
Suno kay RD Abas sa subong kaupod pa nila ang mga local government units sa pagpatigayon sang assessment sa mga barangay nga posible patigayunan sang satellite voters registration.
Pahayag pa sini nga bag-o pa nila umpisahan ang satellite registration, mangayo pa sila sang clearance sa Inter-Agency Task Force against COVID-19 sang mga lokal nga panggobyerno.
Suno sa iya katuyuan sang satellite voters registration nga makarekord sang mas madamo nga mga botante sa pihak sang COVID-19 pandemic.
Aminado si Atty. Abas nga tungod sa health protocols nga ginapatuman bangud sa pandemya magamay lamang ang mga nagaparehistro sa mga opisina sang Comelec sa rehiyon.
May-angot sini, agud mahatagan sang madamo nga tion ang publiko nga makaparehistro bukas ang talatapan sang Comelec tubtob Sabado nga adlaw.
Ang mga pumuluyo nga luyag magparehistro ukon may iban pa nga transaksyon sa Comelec pwede nga makipag-transakyon sa ila online paagi sa ila nga website na iRehistro portal.
