Nitugpa sa Butuan city Airport si Satur Ocampo, iladong lider sa progresibong grupo nga Bayan Muna kauban ang mga wala maila nga langyaw. Sumala pa ni Bishop Villasanta sa KARAPATAN, magpahigayun sumala pa ug International Fact Finding Investigation ang grupo ni Ocampo didto sa Surigao ug sa Agusan del Sur. Buot sayrun sa grupo nga gilangkuban usab sa mga langyaw nga mga human rights advocates ang reklamo sa mga paglapas sa tawhanung katungod sa mga conflict areas. Isip reaksyun sa militar, gibutyag ni Brigadier General Franco Nemesio Gacal, commander sa 402nd Brigade Phil. Army nga walay koordinasyon sa military ang pagbisita ni Ocampo dinhi sa rehiyon. Dugang pa sa opisyal nga makaduda ang katuyuan sa grupo sa pagbisita dinhi ug masayran na lang nga miadto diay kini sa kampo sa mga NPA.
Gipahayag usab ni Villasanta, nga dili na angay pa mo coordinate sa militar ilabina kung ang imbestigasyun maga sentro sa abuso sa tawhanung katungod ilabina sa mga lumad nga anaa nanimuyo sa mga conflict areas.
Sent from my Samsung Galaxy smartphone.
