Liwat nga ginsulod sang mga kawatan ang isa ka-balay sa Savannah subdivision nga sakop na sang banwa sang Oton kahapon sang kasisidmon.
Ginpahayag ni PO2 Alex Esteves sang Oton PNP, nag-agi sa likod nga bahin sang balay ang mga suspek kag nag-agi sa bintana antes nahimo sini nga mabuksan ang pwertahan nga amu naman ang gin-agyan sang mga suspek paguwa sang mga pagkabutang.
Pila sa mga nataban sang mga suspek ang tv, computer pc, relo, DVD player, electric fan, sapatos kag iban pa.
Padayon pa karon nga gina-imbestigaran ang nasambit nga hitabo samtang wala pa sang pangkabug-usan nga balor ang nataban sang mga kawatan.
Sa karon, wala pa sang official statement ang pamunuan sang Savannah subdivision.
(photo from web)
Facebook Comments
