Malampuson ang nahitabong blood donation drive pinaagi sa Iligan Pulse News and Updates, Amai Pakpak MedicalCenter ug usab sa RMN DXIC ug IFM sa may Robinson’s Place ning dakbayan sa Iligan.
90 ka mga bag sa dugo ang nakolekta sa maong aktibidadis pinaagi usab sa mga katawhan nga mi donar niini.
Ang mga mi donar sa ilang dugo hatagan ug green card kung asa mahimo silang makakuha ug libreng dugo didto sa Amai Pakpak Medical Center kung kinahanglanon.
Dako usab ug pasalamat ang mga mi donar sa ilang dugo kay gawas nga nakatabang sila sa uban nga nagkinahanglan, nakahatag usab kini ug maayong benipisyo sa kalawasan.
Nagpasalamat usab ang mga organizers sa mga sponsors nga miabag sa maong kalihukan.
