Pasay City – Tatlong araw bago ang campaign period sa Barangay at SK Elections, patay ang isang tatakbong kagawad matapos na pagbabarilin sa Brgy. 4, Zone-1, Pasay City.
Naglalaro ng darts ang biktimang si Anthony Echavez sa kalsada kasama ng ilang kamag-anak nang pagbabarilin ng riding in tandem.
Nakuhan pa sa CCTV ang pagtakas ng mga suspek pero sa sobrang labo ng camera ay hindi makita ang plate number ng motorsiklo.
Nagawa naman maisugod sa Ospital Ng Maynila si Echavez pero hindi na naisalba pa ng mga doktor ang buhay nito.
Palaisipan pa rin hanggang sa ngayon ang nangyaring pamamaril sa tatakbong kagawad na si Echavez dahil wala itong nakaka-away at wala din bisyo.
Facebook Comments
