General Santos City—gibutyag ni PO2 Lemuel Aves, imbistigador sa Traffic Management Unit (TMU) nga nakabase sa Camp Fermin Lira nga nag sagad sa hinungdan sa mga disgrasya sa kadalanan mao ang human error kon sayop sa mga driver nga naga maniho hinungdan nga madisgrasya diha sa kadalanan.
Sumala pa ni PO2 Aves nga gikinahanglan gyud nga mag maampingon ang driver ug musunod sa mga traffic rules aron malikayan ang disgrasya. Dili ikalilong nga sa karon sagad wala gyud ginasunod sa mga motorista ang traffic rules mao nga taas ang kaso sa disgrasya sa kadalanan.
Nasayran nga niadtong bulan sa Enero mukabat ngadto sa 185 ka mga disgrasya sa kadalanan ang natala sa TMU, samtang sa bulan sa Pebrero nakatala na sila ug lima ka mga namatay tungod sa disgrasya sa kadalanan. (Dave Silagan)
