Matud ni Arise People of Revelation Convenor Pastora Cherie Patino nga nagkasinabot ang mga relihiyon sa Mindanao nga gilangkuban sa Evangelical, Born Again, Islam, ug uban aron supakon ang pagpasar sa SB NO 1869 nga gipanday ni Senadora Pia Cayetano nga kasamtangang nakabinbin alang sa Ikaduhang pagbasa sa Senado.
Gipasabot ni Pastora Patino nga dunay pipila ka probisyon sa maong bill magkitil sa katungod sa matag indibidwal diha sa pagpili kon magpabakuna ba sila o dili.
Giingon ni Patino nga ubos sa maong balaudnon, puwede manduan sa gobyerno ang mga telecommunication companies sa paghatag sa personal mobile number aron malokar ang usa ka tawo nga dudahang nataptan sa makatakod ug makamatay nga virus sama sa COVID-19 butang nga dakong kalapasan sa Data Privacy Act.
Mas gikuyawan pa ang naasoy nga convenor sa nasampit nga balaud tungod puwede sikupon ang usa ka tawo nga gikatahapang naigo og virus aron dad-on sa isolation facility ug kini walay kalainan sa prinsipyo sa warrantless arrest nga himoon sa PNP ug NBI.
RadyoMaN Joel Viray
