SB Member Eduardo Jorque sang Anilao, Iloilo, nagreklamo na sa National Police Commission ukon Napolcom batuk sa Pulis nga nagtaya sa iya sang armas luthang…

272

Ginkumpirmar ni NAPOLCOM Investigator Allen Camiring nga nagpadulong sa ila talatapan si SB member Eduardo Jorque sang Anilao, Iloilo agud magreklamo batuk sa Pulis nga nagtaya sa iya sang armas luthang sang nagligad nga Dominggo.
Suno kay Camiring nga nalipay sila kag nagapasalamat kay Jorque sa pagpalab-ot sang reklamo sa NAPOLCOM batuk kay PO1 Joenoh Bisual Aquilisca sang Regional Personnel Holding and Accounting Unit ukon RPHAU sa PRO-6.
Ginpahayag ni Camiring nga mas maayo nga may yara gid sang complainant batuk kay Aquilisca agud mahatagan nila gilayon sang aksyon kag maimbestigahan ang kaso.
Una diri, ginhatagan pagtamod ni Camiring nga matapos mabatian sa media ang kaso ni Aquilisca nga nagpangtaya kay SB member Jorque, insigida nga magahimo sila sang imbestigasyon agud pasabton ang natungdan nga pulis.
Madumduman nga ginlambatan sang grupo ni Aquilisca ang salakyan ni Jorque sa bahin sang Barangay Palaypay, Anilao kag gintayaan ang nasambit nga konsehal.(sspunay)


Facebook Comments