SCAA GIBANHIGAN SA SURIGAO DEL NORTE, PATAY
Dead on the spot ang usa ka membro sa Special Cafgu Active Auxilliary nga nadestino sa SP2 Patrol Base,1st SCAA Company Taganito.
Alas 3:15 sa hapon, Abril 15 gibanhigan sa gitoohang mga sakop sa New People’s Army ang biktima nga si Renel Paray Natad, 27 anyos, residente sa Sitio Tayawod, Barangay Daywan, Claver, Surigao del Norte.
Nasayran na alas singko na nadawat sa Claver Municipal Police Station ang impormasyon labot na sa nahitabong krimen.
Sa pagresponde sa kapulisan sa lugar nga gipangunahan ni PMajor Nira Perocho, patay na ang biktima.
Sigun sa opisyal sakay sa iyang gimanehoang motorsiklo ang biktima padulong sa Patrol Base apan pag-abot sa Urbiztondo Ridge, Sitio Capangdan Farm to Market Road, Barangay Urbiztondo lungsod sa Claver gibanhigan kini sa upat ka mga armadong lalaki.
Ang GF16C NEMRC ang gipangunahan ni Ruel Neneil alyas Jacob.
Human sa hitabo daling miikyas padulong sa bukirang bahin ang mga responsable.
Apan bugtong narekober sa crime scene ang usa ka lead ug usa ka empty shell sa AK47.
Ang patayng lang sa biktima ang gidala sa Arphilleda Funeral Parlor alang sa Post Mortem examination.
Sa pagkuha ning balita wala pay gihimong pag-angkon ang walhong grupo nga sila ang mipatay sa maong SCAA.
