Nagapanawagan ang Department of Agriculture (DA) sa mga estudyante nga nagaplano magkuha sang kurso nga Agriculture, Fisheries, Forestry ukon Veterinary medicine nga mahimo na sila maka apply para sa scholarship program sang Department of Agriculture.
Ang scholarship napagkit sa RA 10848 ukon ang ACEF extension law.
Ini nga ACEF Grants-in-aid for Higher Education Program (ACEF-GIAHEP) nagadirect sa Commission on Higher Education (CHED) nga ipatuman ang comprehensive kag makagalanyat nga scholarship program para sa Agriculture, Forestry, FIsheries kag Veterinary medicine education.
Bukas ang application tubtob sa Pebrero 23.
Mahimo makuha ang mga applications sa mga qualified nga state colleges kag universities sa rehiyon kun sa diin may tag pulo ka scholars kada eskwelahan.
Bilang scholar may subsidy para sa tuition kag other school fees (TOSF) nga P15,000 per year kag stipend nga P2,500 kada bulan.
Sa tion sang summer ang grantee makabaton sang P 3,5000 nga TOSF subsidy kag P5,000 nga stipneds sa sulod sang duha ka bulan.
May dugang pa nga P15,000 nga grant para sa pagconduct sang thesis kag P3,000 nga on the job training allowance.
Mahimo nga maka-apply ang mga graduating nga high school, high school graduates kag bisan pa ang graduates sang alternative learning system.
Sa dugang nga ihibalo magtawag sa DA regional field office 6 (033) 337-9092/ 09195772346, ukon mag- email sa dapmed6@yahoo.com.
//// Photo from web
