School bullying gi-aksyunan

Davao City – Gi-angkon karon sa mga magtutudlo nga naglisod sila sa pag-alkontra niining phenomenon kun mga insidenteng bullying sulod sa mga eskwelahan tungod kay nagpadayon pa karon ang ilang mga seminars kung unsaon aron mabatukan kini ilabi na nga bulnerable kaayo karon ang mga batan-on nga kung dili nato mabantayan, moresulta sa pagpakamatay kun suicides.

Sumala ni Reynaldo Pardillo, Alliance of Concerned Teachers (ACT) Davao City Chapter President nga sa ilang grupo, aduna silay ginahimong retraining ug equipping kung unsaon aron ma-minimize ang bullying sa tulonghaan.

Gi-angkon ni Pardillo nga sila mismo nmakasinati usab og pagpang-bully gikan sa mga estudyante pananglit diha sa group chat sa social media.


Kabahin sa magtutudlo nga nagbagsak ug nag-bully sa estudyante nga misangpot sa pagpakamatay sa naulahi, gikinahanglan kining imbestigahan aron masayran kung may kalambigitan ba sa bullying ang rason sa suicide attempt sa batan-ong estudyante.

RadyoMan Bernard Pantallon

Facebook Comments