[image: IFM 919 Logo (1).jpg]
Padayon nga giila sa Pendatun Police Station ang posibleng suspek nga nangawat sa usa ka school nurse human nitambong og misa sa simbahan niaging adlaw.
Giila sab sa kapolisan ang biktima sa pangalang Mylene Vigilancia, 45 anyos minyo og nagtrabaho isip nurse sa pribadong eskwehalan.
Niaging hapon nagsimba matod pa ang biktima og giparada niya ang Mitsubishi Adventure sa may Anunas Street corner Papaya Street.
Apan pagbalik niya bandang alas-7 na sa gabie natingala na lang kining naguba ang bintana sa sakyanan.
Nawagtang sab ang iyang mga personal nga gamit sama sa ID, susi sa balay ug cash nga singko mil pesos.
Walay nabutang nga CCTV sa lugar nga iyang giparadahan samtang walay testigo sab sa maong krimen.
Facebook Comments
