Schools Division Superintendent nan Surigao del Norte tagsiguro na nohimo nan mga lakang para dili malubong sa utang an mga magtutudlo Kusganong tagtindugan nan Schools Division Supt. nan Surigao del Norte Dr. Nelia Lomokso na nohimo sila nan mga lakang para dili na malubong sa utang an mga magtutudlo. Tagtumbok niini, nohimo sila nan pagpakisayod sa mga lending institutions kon sin-o na mga magtutudlo an dako an utang, an sige balik-balik sa pag-loan. Sa ini na sitwasyon an sumaya pa naapektuhan na an Performance sa trabaho nan mga magtutudlo. Dugang pa ni Dr. Lomokso, nohimo na sila nan memorandum para mapatas-an an net take home pay nan mga magtutudlo ug an paghatag nan Provident Loan na gikan sa nasyunal na gobyerno para matabangan an mga nanginahanglan.
