Davao City – Angayan lamang nga gastohan sa dakung kantidad ang cauldron sa 30th Southeast Asian Games (30th SEA Games) tungod kay host ang Pilipinas aron ikapakita nga ang nasud adunay igong katakos sa pagdumala ning maong international sporting event kun spectacle.
Sumala ni Ateneo De Davao University (ADDU) Prof. Ramon Beleno III, ang pag-kwestion ni Sen. Franklin Drilon sa kadaku sa gasto bunga sa pagduda nga adunay nahitabong korapsyon.
Giingon ni Beleno nga kung adunay himoong imbestigasyon, mas maayong adto na inig kahuman sa aktibidad ug dili karon.
Dili maayo nga mag-imbestigar samtang nagpadayon ang dula tungod kay makaapekto kini sa dungog sa Pilipinas isip host, matud ni Beleno.
Samtang giklaro usab ni Beleno nga walay rason nga gamiton ang pondo sa 30th SEA Games ngadto sa pagpatukod sa mga classrooms aron makabenepisyo ang mga pobre sanglit adunay lahi nga pondo ang Department of Education (DepEd) alang niana nga prayoridad.
RadyoMan Bernard Pantallon
