Magapangatubang sang sampaw-sampaw nga kaso ang isa ka seaman nga nagmauy sa baylehan sa barangay Bancal, Carles, Iloilo sang nakaligad nga gab-i.
Ginpahayag ni Police Sr. Inspector Albert Fortunado nga kalakip sa mga kaso nga ila ipasaka batuk sa seaman nga ginkilala kay Cris Villanueva amo ang alarm and scandal, direct assault upon person in authority, oral defamation kag iban pa nga puwede nila ipasaka.
Natabu ang insidente Sabado sang gab-i sa baylehan sang Bancal, Carles nga nagahiwat sang kapiestahan kon sa diin tuman ka hubog sang suspek kag nagpamilit nga magsulod sa baylehan nga may bitbit nga ilimnon.
Apisar sang kahulugbon, ginpasugtan ini nga makasulod apang didto nagmauy ini kag ginhambalan pa ang mga pulis nga sensilyo lang ang ila suweldo ikumparar sa iya suweldo bilang seaman.
Bangud indi magpsaway, gindala ini sa police station apang ginsipa pa sini ang isa ka pulis samtang nagabiyahe kag pag-abot sa police station, may ginsumbag pa gid ini nga pulis,
Suno kay Fortunado nga sa tion mapasakaan nila sang kaso si Villanueva, nagapameligro nga indi na ini makasakay liwat sa barko.
