Padayon pa gihapon ang search and rescue operation sa mga taga local disaster risk reduction and management council uban sa mga kapulisan sa mga apektadong lungsod sakop sa atong probinsya sa Zamboanga del norte.
Sa gipagawas nga datos sa PRO9 misaka na sa 34 ang patay nga kung diin 19 sa lungsod sa Gutalac, usa sa Leon B. Postigo, usa sa Siocon, Pito sa Salug,ug 6 sa Sibuco, samtang ang mga nawala moaabot na sa 80 kabuok nga kung diin sa pagkakaron padayon pa ang pagpangita, adunay 28 sa Gutalac, upat sa Siocon, walo sa Salug, 40 sa Sibuco,
Dugang pa adunay siyam ka angol ug moabot na sa 3, 725 ka mga bakwit ang anaa sa mga evacuation center, hinuon sa pagkakaron ang ubang bakwit mipauli na sa ilang tagsa tagsa ka mga pinuy-anan.
Gipatin-aw usab sa National Disaster Risk Reduction and Management Council (NDRRMC) nga dili pa official ang death toll nga migawas nga ihap.
Kinahanglan matod pa nga ilang i- validate ang ,matag patayng lawas ug aron maila ang maong biktima isip kabahin na usab sa gisunod nila nga proseso.
