Sa interbyu sa DXDC RMN Davao kang LTJG. Elmar Mesina, Coast Guard Station Davao Oriental Commander, gipaalerto na ang tanang Coast Guard Stations ilawom sa Davao Oriental, barangays, mananagat ug mga sakyanang pandagat sa pagpangita sa duha ka mga biktimang sila Dave Imbang, 43 anyos ug Kent Macacua, 27 anyos nga taga-Polomolok, South Cotabato.
Gibutyag ni Mesina, nawala ang duha ka mga lalaki human kini nisulay og luwas sa tulo ka mga bata nilang kabanay nga nalumos sa nasangpit nga lugar.
Sa report sa PCG, nangaligo og dagat ang mga biktima kauban ang ilang pamilya sa dihang nahitabo ang trahedya.
Nitabang ang SK Chairman sa Brgy. Dapnan nga si Jerbert Jorge Munday sa mga biktima apan nalumos ug namatay usab kini, samtang kalit na lang usab nahanaw ang duha ka lalaking biktima nga maoy padayong gipangita sa mga personahe PCG.
RadyoMaN Aimee Guinita
