Davao City – Hingpit na’ng gi-undang ang search and retrieval operation sa 96-feet tunnel sa Barangay Kinamayan, Santo Tomas, Davao del Norte diin upat (4) ka mga lalaki ang na-trap sa lugar human nag-treasure hunting.
Sa press briefing sa Santo Tomas Local Government Unit (LGU) ug Municipal Incident Management Team (IMT) kagahapong adlawa (September 8, 2020), gibutyag ni Senior Fire Inspector Janeth Lequigan, Incident Command Commander nga gihimo na nila ang tanang pamaagi aron maluwas ang na-trap nga mga biktima apan nahimo na’ng delikado ang sitwasyon.
“So, nag convene ulit ang IMT (Incident Management Team) nga assessment-wise, risk assessment dili na gyud pwede (ipadayon ang operasyon) and unsafe for further operations na gyud ang mahitabo. So mao na siya ang nasabutan,” saysay ni Lequigan.
Nasayran nga gawas sa mga personahe sa probinsya sa Davao del Norte, mi-apil na usab sa pagtabang sa operasyon ang gikan sa Davao City ug probinsya sa Davao de Oro sulod sa siyam (9) ka adlaw una kini hingpit nga gi-undang.
RadyoMaN Kirby Manzon
