Gilusad sa City Social Welfare and Development uban sa City Council for the Protection of Children ang “Search for Most Child-Friendly Barangay”.
Kini adunay tema nga “Karapatang Pambata: Patuloy na Pahalagahan at Gampanan Tungo sa Magandang Kinabukasan”.
Tumong sa kalihukan nga nga madasig ang mga barangay pagprotehir sa mga kabataan sa syudad.
Kini na ang ikaunom nga tuig nga paghimo niini ubos sa administrasyon ni Mayor Oscar Moreno.
Pasidunggan ang mga mananaug gikan sa rural/non-numbered barangays sa bulan sa Nobyembre atol sa pagsaulog sa Children’s Month.
Makadawat og cash prize nga balor og 120-mil pesos sa unang ganti, 100-mil sa ikaduhang ganti ug 80-mil pesos sa ikatulong ganti.
Samtang, pasidunggan usab ang mga mananaug gikan sa urban/numbered barangays og cash prize nga balor og 30-mil pesos sa unang ganti, 20-mil pesos sa ikaduhang ganti ug 15-mil pesos sa ikatulong ganti.
Sugdan ang evaluation sa matag barangay karong sa Setyembre 17.
