General Santos City—Patay sa Operasyon sa kapulisan ang usa ka suspetsadong si Mamundas Climaco alias Baruk, 35 anyos, parking boy sa sabungan ug residenti sa Sugod, Barangay Apopong, Gensan kaganinang kabuntagon.
Una nang gipahigayon ang operasyon alas 2:00 ang takna kaganinang kabuntagon didto sa panimalay niini pinasikad sa search warrant nga gipagula ni Hon. Judge Oscar Noel sa RTC Branch 35, batok RA 10591 o pag hupot ug dili lesensyadong armas.
Dihang gisulod sa kapulisan ang balay sa nasangpit, misukol matud pa ang nahisgutan mao nga giunhan nag pusil sa mga pulis igo sa dughan niini. Gilayong gidala sa ospital ang nasangpit apan gideklara kining dead on arrival sa iyang attending physician.
Narekober gikan sa panimalay sa suspek ang pipila ka sachet sa gituohang shabu ug cal. 45 nga pistol.
Sa karon ang patayng lawas sa nasangpit anaa pa sa morgue sa Dr. Jorge Royeca Hospital.
