Duha ang tigayon nga nabawian sang kabuhi matapos nga nagbato sa kapolisan kag 21 naman ang tigayon nga naaresto sa ginpatigayon nga One Time Big Time Operation sa lima ka mga barangay sa banwa sang Polomolok kahapon nga adlaw.
Ginkilala ang mga napatay kanday Ruben Porsuelo kag Mario Jamela Fuertes pareho residente sang Barangay Poblacion sa nasambit nga banwa.
Nakuha naman sa posisyon sang mga suspek ang mga sachet sang ginaaligar shabu, armas luthang, granada kag iban pa nga illegal paraphernalia.
Ginkumpirmar man ni Police Sr. Supt. Nestor Salcedo, Police Provincial Director sang South Cotabato PPO nga ang nadakpan nga 21 ka mga persona ang target sang gin-implementar nga search warrant kag ini ang bunga suno pa sang ila nga intelligence activities.
Nahibaluan nga 34 ka mga search warrant ang ginserbi sang kapolisan sa nasambit nga operation.
Duha naman sa mga suspek suno kay Salcedo ang responsable sa pagpatay kag PSI Hernan Gabat, Deputy Chief of Police sang Polomolok Pnp kag pagluthang sa isa pa ka PNP personnel.
Sa subong suno kay Police Sr. Supt. Salcedo ginapreparar nila ang kaso batok sa mga naaresto nga mga suspek kag sa subong nakadetine sa lock –up cell sang Polomolok Pnp.
Samtang normal lang suno kay Salcedo nga alibay sang mga suspek kag pamilya sini nga planted ang mga ebidensya nga nakuha sa ila apang bahala na suno pa nga depensahan nila ini sa korte.
