General Santos City–Mukabat ngadto sa 24 ka mga search warrant nga pinirmahan ni Hon. Judge Oscar Noel Jr. sa RTC Br-35 ang gi implementa sa General Santos City Police Office sa pag panguna sa City Intelligence Branch uban ang walo ka mga Police Station ug ang Police Regional Force Battalion 12.
Sumala pa ni Police Major Jovenson Bayona ang labaw sa City Operation Management Branch sa GSCPO nga gilusad nila ang maong operasyon aron nga sikopon ang mga indibidwal nga padayung nag lambigit sa iligal nga last two sa syudad.
Dugang pa niini nga aduna man usay kamanduan ang Chief PNP kanila nga sutaon ang mga pangalan nga ginareklamo sa Trento Gaming kay lugi matud pa ang ilahang mga STL outlet tungod sa mga iligal nga last two.
Samtang nag negatibo man usab ang tanang search warrant nga gi-serve sa General Santos City Police Office sa ilahang mga target.
Makita matud pa resulta sa gipahigayung operasyon sa kapulisan nga hingpit nang mi-undang sa paglambigit sa iligal nga sugal ang kanhing mga iligalista tungod usab sa ginahimong operasyon sa kapulisan ug pag sulod sa STL.
Dugang pa ni Major Bayona nga kadaghanan sa mga kanhing naglambigit sa pagpataya ug iligal nga last two ang mikuha na ug STL outlet aron nga mahimong legal ang ilahang mga transaksyon.
Sa karon padayon ang paggukod sa kapulisan sa mga indibidwal nga padayung nag lambigit sa maong binuhatan, apan gi-angkon niini nga maglisud na gayud sila ug sakote sa mga nahisgutan tungod kay pinaagi sa text ug kwarta padala na ang transaksyon sa mga nahisgutan.
