General Santos City–Dakpan sa gipahigayong Search Warrant Operation sa Police Station 6 ang tulo ka mga tawo gumikan sa illegal nga droga ug armas.
Sumala kang Police Senior Inspector Reynaldo De Armas, hepe sa Police Station 6 nga unang gisulod sa kapulisan ang panimalay ni Danny Kantar, legal age residente sa brgy. Bula Gensan. Nakuha gikan sa iyahang posisyon ang (5) ka sachet sa gituohang shabu .
Sikop usab ang umagad niini nga si Johny Moralde kansa nakuhaan ug (2) ka pakete sa gituohang shabu.
Samtang sikop usab ang usa ka kanhing miyembro sa Philippine Army nga si Ronald Alonzo gumikan sa paglupot ug dili lesensyanong armas.
Nakuhaan si Alonzo ug usa ka unit sa cal. 45 ug ubay-ubayng buhing bala. Sa karon ang mga nasangpit pabilin sulod sa silda sa Police Station 6 ug takna na usab nga ipasang-at ang kaso batok kanila.
