General Santos City—Sikop sa operatiba sa kapulisan ang usa ka 61 anyos nga lalaki human nga nakuhaan ug pusil ug mga bala ang panimalay niini atol sa gihimong search operation nga gipahigayon sa Police Station 4 ug uban pang unit sa kapulisan alas 4:00 kaganinang kaadlawon.
Giila ang dinakpan nga si Norberto Guinto Bonifacio, 61, residenti sa Manansala Subd., Purok Malakas, Barangay San Isidro Gensan.
Nakuha sa panimalay sa nasangpit ang (1) ka unit sa Cal. 45 pistol; (1) unit sa Shotgun; (8) ka bala sa shotgun ug (42) ka bala sa cal. 45.
Sumala ni Norberto nga adunay dukumento ang maong mga armas apan kini expired na. nasayran nga kabilin matud pa sa iyang amahan nga nipanaw na ang maong armas ngadto kaniya ug wala ra gyud niya naasikaso ang mga papeles niini.
