Davao City – Gitutukan karon sa Philippine Coast Guard ang pag-monitor sa kondisyon sa panahon, sa kadagatan ug istriktong pag-inspeksyon sa tanang sakyanang pangdagat.
Sa interbyu sa RMN Davao kang Commander Garry Laynesa sa Coast Guard Station Davao, gipaniguro gayod nila ang safety karon sa mga pasahero aron malikayan ang mga maritime incidents or disasters.
Matud ni Laynesa, subo ang nahitabong trahedya sa kadagatan sa Iloilo ug Guimaras nga nikalas ug 31 ka mga kinabuhi.
Base sa naandang rekwisitos, una gayod makalawig ang mga barge, lantsa or motor launch, mandatory ang pagpasuot og mga life vests ngadto sa tanang mga manakayay.
Segun ni Laynesa, andam ug tagana ang Quick Response Team (QRT) ug mga nagkadaiyang units ubos sa ilang maritime jurisdiction nga ma-deploy aron maaksyunan gilayon ang mga untoward incidents.
RadyoMaN Aimee Guinita
