Mikampanya batok sa sakit ang dengue ang Bureau of Jail Management and Penology kon BJMP region ten.
Matud ni Jail Officer 3 Orlando Montalban, ang Spokesperson sa BJMP ten, kini agig tubag sa deklarasyon sa Department of Health kon DOH nga adunay national outbreak sa dengue cases.
Tungod niini nagpagawas karon og direktiba ang national headquarters sa BJMP alang sa tanang jail units, aron nga maghimo og kampanya batok sa maong sakit.
Usa sa mga pamaagi mao ang pagsunod sa 4S, nga mao ang search and destroy, self protection measures, stick early consultation kung adunay gibati nga hilanat o bisan unsa nga sintomas sulod sa duha ka adlaw, ug ang say no to indiscriminate fogging.
Samtang walay natala nga kaso sa dengue ang BJMP region ten.
Kini ang gikompirma ni Jail Officer 3 Orlando Montalban, ang Spokesperson sa BJMP ten.
Kini tungod usab sa epekto sa hugot nga kampanya batok sa sakit nga dengue nga mas pahugtan pa karong panahona.
