Sec. Pinol sa DA mibisita sa Malimono, bit-bit ang loan program

Butuan City- Gibisita ni Agriculture Secretary Manny Pinol ang lungsod sa Malimono, Surigao del Norte, ang usa sa lungsod nga apektado sa miaging linog.
Kauban ang mga opisyal sa DA Caraga ug mga opisyales lokal, bitbit sa kalihim ang programa alang sa mga mag-uuma ang gitawag nga Production Loan Easy Access to Farmers.
Adunay 247 ka mga mag-uuma ang makabenipisyo sa maong programa gikan sa lungsod sa Malimono.
Saksi usab sa launching sa maong loan program sa kagamhanan ang buhatan ni Senator Cynthia A. Villar, chairperson sa Comiittee on Agriculture diin siya gipresentahan sa iyang political officer sa Caraga Region nga si Genome Fortun.
Dakong kalipay ang gibati sa mga mag-uuma kay naabot na sa ilang lungsod ang programa nga gisaad ni Pangulong Rodrigo Duterte.

Facebook Comments