Subling nibisita sa probinsya sa Sarangani si Department of Agriculture Secretary Manny Piñol atong adlaw nga Sabado sulod sa Kapitolyo sa Sarangani dala ang maayong balita kabahin sa bag-o niining programa nga Philippine Food Skyway og ang National Food Sufficiency, og kini ang gikalipay sa mga local officials sa pagpanguna ni Governor Steve Chiongbian Solon.
Gibutyag niini nga sya na karon ang bag-ong gituboy ni Pangulong Rodrigo Duterte nga National Food Authority Council Chairman.
Nibisita si Agriculture Secretary Piñol dungan usab sa nahitabo nga panagtigum sa partido ni Pangulong Duterte nga gi-organisa ni Senador Manny Pacquiao para sa entiro Rehiyon Dose nahimong venue ang Sarangani Province.
Nitambong ang kapin tulo ka libo nga mga municipal og barangay officials, board members, og uban pang indibidwal sa Region 12. Anaa sila Senador Manny, Congressman Ruel Pacquiao, Governor Solon, Maguindanao Congressman Dong Mangudadatu, Gensan Mayor Ronnel Rivera, South Cotabato Governor Daisy Avance-Fuentes, South Cotabato Congressman Dinand Hernandez, 2nd District North Cotabato Congresswoman Nancy Catamco, 1st District North Cotabato Congressman Sacdalan, ang representante ni Special Assistant to the President Bong Go nga si Atty. Glen Pangapalan, og daghan pang personalidad.
