Second wave sang pagtaas sang kaso sang balatian nga dengue sa South Cotabato ginabantayan.

Ginabantayan sang Integrated Provincial Health Office sang South Cotabato ang posible second wave sang pagsaka sang kaso sang balatian nga dengue sa probinsya nga matabo lamang sa tion nga magpabaya ukon mangin kampante na ang tanan matapos nga nagnubo na sa 66 porsyento ang kaso sang nagligad nga bulan kumparar sang bulan sang Hulyo.
Apang ang pagnubo sang kaso ang indi pa stable tungod ang target nila nga magbelow alert threshold level ang kaso sang balatian nga dengue dire sa probinsya.
Suno kay Provincial Surveillance Unit Officer Cecile Lorenzo ini tungod temporaryo lang ang epekto sang misting kag fogging operations amo nga dapat indi magkumpyansa kag ipadayon ang search and destroy tungod tubtob nga may-yara sang breeding place sang lamok nga nagadala sang balatian nga dengue may magtuhaw gid nga bag-o nga kaso.
Sa subong nagapadayon pa ang fogging kag misting operations sa mga banwa sang Sto. Niño, Banga, Tantangan, Surallah kag Norala.
Samtang agud nga masiguro nagtukod sang monitoring team ang IPHO nga magapanaug sa barangay level agud seguraduhon kon nagamonitor ang barangay council sa mga household sa compliance sang mga pumuluyo sang search and destroy.