Davao City – Adunay dugang nga mga personahe ang kuhaon gikan sa Eastern Mindanao Command ug 10th Infantry Division Philippine Army alang sa hugot nga pagbantay sa seguridad sa Palarong Pambansa 2019.
Sa pakighinabi sa Davao media kang Task Force Davao Commander Col. Consolito Yecla, anaa sa 150 ka mga military forces ang idugang aron i-secure ang 25 ka mga billeting areas ug 19 playing venues sa syudad alang sa nasangpit nga paugnat sa kusog.
Gani nakatakda karong adlawa ang full deployment sa Task Force Davao sa pagbantay sa seguridad sa mga areas nga gamiton alang sa Palaro.
Samtang karong umaabot nga adlawng Domingo, Abril 28, 2019 opisyal na nga pagaabrihan ang Palarong Pambansa 2019 nga himuon sa Davao City UP Sports Complex, Mintal ning dakbayan.
RadyoMaN Renz Barbarona
