General Santos City—samdan ang usa ka 31 anyos nga security guard human kining gipusil sa wala mailhing suspetsado sa area sa Purok Malambuon, Barangay Calumpang Gensan.
Biktima giilang si Romar Licayan, 31, security guard, residenti sa Block 8, Barangay Fatima.
Subay sa report gikan sa Police Station 5 nasayran nga pauli na unta ang biktima sa ilang panimalay sa Barangay Fatima sakay sa iyang motorsiklo, pag abot sa Purok Malambuon, Barangay Calumpang, dunay nitapad kanila nga duha ka mga lalaki nga sakay sa motrorsiklo.
Kalit matud pang gipusil ang biktima igo sa iyang lawas gamit ang kalibre 45 nga pistol. Paspas nga misibat ang mga suspek saw ala masutang lugar, samtang ang biktima gidala gilayon sa mga bystander ngadto sa Gensan Medical Center nga makaplagan sa Barangay Calumpang.
Sa kasamtangan ang kapulisan sa Police Station 5 naglusad na ug makuting imbistigasyon kalabutan sa insidenti.
