SECURITY GUARD – MUERTO

MUERTO EL SECURITY GUARD DEL PICHEL AGENCY QUIEN DESIGNAO  NA  DON PABLO  NATIONAL  HIGH SCHOOL  ESTE  DESPUES  ENCONTRA CONELE MUERTO AYER  AGA  NA  PUROK-6  PHASE 3  BARANGAY DE  LUNZURAN . CONEL  VICTIMA  YA  CONOCE  COMO SI MARVIN  PINERO  BALWIG  49 ANYOS EL EDAD  KASAO    Y   RESIDENTE  DE  BARANGAY  TETUAN . CON BALWIG YA ENCONTRA EL CUANTOS  MAGA RESIDENTES  BANYAO CON SU MISMO SANGRE    NA URILLANDO DE  CAMINO  NA  MENCIONAO BARANGAY . NA ENTREVISTA CONEL MISMO KAPITAN JOEL  JOSE   ELE YA HABLA KAY   POSIBLE   YA IMBISTI  EL VICTIMA  CON EL ECHOR  , PORCAOSA CONEL  TUPADA  DE MAGA LANCIADA  NA SU CUERPO  . SI JOSE  YA  HABLA  QUE  MANADA SANGRE  EL  ENTRAY MEDYO MISMO DEL  CAMINO , PERO EL VICTIMA  NA  CUSTAO  DEL  CAMINO  YA  ENCONTRA . PERO  NA IMBESTIGACION  DEL  OTORIDAD TA APARECE KAY  POSIBLE YA LLEBA  EL  VICTIMA PASAHERO  NA LUGAR SIENDO  TA  MANEHA  ESTE  HABAL-HABAL  DESPUES  EL SU  DUTY  COMO UN SECURITY GUARD . ESTE  DESPUES  CIENTO METRO DISTANCIA  DESDE  CONEL VICTIMA YA ENCONTRA SU MOTORSIKLO  XRM QUE  TIENE MAGA RASTRO  DE  SANGRE  Y EL HELMET  DE  ESTE  DISTANCIA TAMBIEN YA  PUEDE  ENCONTRA . GRANDE  EL CRIENCIA  DEL OTORIDAD   QUE   EL ECHOR  NA  MATANSA CONEL SECURITY  GUARD  DE MENCIONAO LUGAR Y PASAHERO DE  ESTE  AMO EL QUIEN  YA  COMETE CONEL CRIMEN DESPUES  SALE  TAMBIEN PERDIDO  EL CEN  DEL VICTIMA. MIENTRASTANTO  NA  ENTREVISTA  TAMBIEN CONEL MISMO ESPOSA  DEL VICTIMA SI  JENELYN    Y DE  ESTE  ANAK  SI  MARVIN JR.  ,  ESTOS YA  HABLA  KAY   CONFIANSA  SILA HINDE TA BOLBE   EL  DIILA PADRE  DE  PAMILYA DESPUES   DE  ESTE  DUTY  PORCAOSA  ACUSTUMBRAO YA  ESTE MANEHA  HABAL-HABAL . PERO ALAS  TRES  DE  MADROGADA  YA  PRECURA  SILA LLAMA  CONESTE  NA CELLPHONE  SINO  HINDE  MAS TA  KONTESTA  SI PORQUE   YA  CAUSA   LINGASA  CANILA  , HASTA  YA SABE YA LANG SILA QUE  MUERTO  YA ESTE .