Usa si Erwin Valmoria Macua sa 21, 198 ka mga tawo nga mipasar gikan sa 80, 509 ka mga examinees sa Licensure Examination for teachers (LET) Elementary level nga gipahigayon niadtong September 24, 2017. Si Erwin nga nagedad na ug 39–anyos, usa ka security guard sa St. Theresa’s College ug padayong nagserbisyu sulod na sa 20 ka tuig.
Matud pa sa iyang pagpakighinabi sa Sunstar Cebu, nga di siya makatuo sa maong balita nga iyang nadawat gikan sa usa ka magtutudlo sa maong eskwelahan apan sa dihang personal na niyang nakita iyang pangalan sa examination result nga migawas niadtong November 27, di niya mapugngan ang kalipay nga gibati. Naghinamhinam na usab siyang mutudlu ug plano niyang mutudlo ug una sa STC diin asa siya nagsugod.
Iyang mensahe sa tanan, “…Akong advice sa kabatan-onan nga di pa gud uwahi ang tanan. As long as naa kay dedikasyon ug goal nga gusto nimong makab-ot bisa’g edaran naka, imo nang makab-ot pinaagi sa kakugi ug pag-ampo…”
Congratulations, Sir Macua! Magpabilin kang inspirasyon sa tanan!
Sources: Photo by Johanna Marie Bajenting,
Sunstar Cebu
