Security guard nga nagasakay sa motorsiklo, patay matapos nabungguan sang salakyan

ILOILO – Wala na matabangan si Jolito Dalumpines, 39 anyos, security guard kag residente sang Barangay Moro-Boro, Dingle, Iloilo.

Ini matapos nabungguan sang Isuzu Hilander ang iya ginamaneho nga motorsiklo sa Barangay Bitaug, Sta.Barbara, Iloilo.

Matapos ang insidente, ginhingagaw pa ini dala sa ospital apang wala na matabangan bangod sa patal nga pilas sa lawas.

Base sa impormasyon, halin sa Roxas City ang pribado nga salakyan nga ginamanehar ni Willie Guazon, Jr kag pabalik na sa syudad.

Manugpauli naman kuntani ang biktima apang natabo ang insidente.

Photo ctto