Koronadal City—Patay ang usa ka security guard sa DPWH 12, human kining niambak sa taas nga punuan sa kahoy sulod sa usa ka pampublikong tulunghaan nga nahimutang sa sentrong bahin sa Koronadal City pasado alas 10:00 sa buntag niadtong nakalabayng adlaw.
Sa imbestigasyon sa Koronadal City Police Station, nadigangat sa School campus sa maong tunghaan ang biktima kung asa nagtudlo ang iyang asawa, apan alas 10:00 sa buntag kalit lang kini nga nisaka sa punuan sa kahoy duol sa gym ug niambak.
Gilayong gidala sa hospital ang biktima apan gideklara kining dead on arrival sa attending physician gumikan sa naangkon niini samad sa iyang ulo nga bahin.
Subay sa pamahayag sa pamilya sa biktima nakasinati matud pa kini ug anxiety ug depression kansa gituohang hinungdan nganong nahimo niini ang ingon.
