Koronadal City— Patay ang usa ka gwardiya human ang nahitabong pagpamusil sa may Prk. Malipayon, Brgy. Sto. Niño, Koronadal alas 7 pasado ang takna sa gabii.
Ang biktima nailang si Raymund Puyong, 23-anyos nga residente sa Barangay Kusan, Banga, South Cotabato. Basi sa pamahayag sa kabanay sa biktima nga nakatakda unta niyang sunduon ang iyahang manghud aron unta dungan silang manguli ug Banga.
Apan nakadungog nalang matud pa sila ug sunod-sunod nga buto sa pusil kung asa wala matud pa silay nasayran nga naka-away sa biktima nga posibleng muresulta ngadto sa pagpamusil.
Samtang gibutyag sa mga testigo nga sakay sa usa ka motorsiklo ang samtang walay nakamatikod sa hulagway sa suspek nga responsible sa krimen. Sa kasamtangan, padayon ang ginahimong imbestigasyon sa Koronadal PNP sa posibleng motibo sa maong kaso.
