Gikasubo sa Police Regional Office 10 ang pagkasikop sa usa ka security guard human nga nakasupak sa gipatumang gun ban.
Nasayran nga hugot nga gipatuman sa PNP 10 ang pagpahigayon sa Commission on Elections (Comelec) checkpoint alayon sa gipatuman nga gun ban sa nasud nga nagsugod kaniadtong Dominggo sa kadlawon.
Sa interview sa RMN Malaybalay ngadto kang PNP 10 Regional Spokesperson Surkie Sereñas, gibutyag niini nga labing unang nadakpan sa rehiyon nga nakasupak sa gun ban ang usa ka security guard sa Valencia City.
Matud ni Sereñas nga usa ka oras pa lang ug tunga human ang gihimong kick-off nila sa gun ban, nadakpan sa gingsakpan sa PNP ang mao nga security guard.
Nasubo usab ang opisyal tungod sa pagkasikop sa mao nga security guard tungod kay possible matud pang wala kini nasayod nga adunay gun ban, apan kinahanglan gayod nila nga ipatuman ang balaod.
Magsilbi matud pa kining pahimangno sa uban pang nagunit ug armas nga dili gayod magdala-dala niini gawas sa ilang balay.
Sigun ni Serenias nga bisan ug aduna pa kini permit to carry apan kung walay exemption sa Comelec ila kining dakpon.
