GENERAL SANTOS CITY- Balhog na karon sa selda sa Tupi Municipal Police Station ang security guard human gi-raid ang iyahang panimalay sa kapolisan tungod sa paghupot og iligal nga armas ingon man iligal nga droga.
Giila sa Tupi PNP ang suspek sa pangalang Jeramel Maguisulan alyas Timaw, 42 anyos, minyo, og residente sa Sitio Elnama, Barangay Polonuling, Tupi, South Cotabato.
Bitbit sa mga pulis sa Tupi ang duha ka search warrant nga pirmado ni Judge Adelbert Santillan, Presiding Judge sa RTC Branch 63 tungod sa pagsupak sa RA 10591 ug RA 9165.
Sa maong operasyon nakuhaan ang suspek og usa ka unit sa homemade 12 gauge shotgun dunay upat ka mga bala ug hand grenade, upat ka pakete sa gidudahang iligal na drogang shabu ug marijuana nagbalor sa kapin dos mil pesos.
Ang nasangpit nga suspek gidala sa Tupi MPS para sa disposisyon sa kaso samtang gitugyan na ngadto sa issuing court ang mga ebidensya nga narekober sa kapolisan ngadto sa iyang panimalay.
Takdang pasakaan og kasong pagsupak sa RA 10591 ug Section 11, Art. II sa R.A. 9165 ang gwardyang suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: lalake gipatay ang ugangan ug bayaw.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
