General Santos City— Han-ay na ang ipatumang security plan sa Gensan City
Police Office alang sa duha ka adlaw nga senate inquiry sa Sangguniang
Panlungsod karong marso 22 ug 23.
Sumala kang Police Chief Inspector Jovenson Bayona, tigpamaba sa GSPO nga
adunay pagahimuon nga pagsirado sa dalan partikular na sa may Matalam St.
ug ang dalan atubangan sa city hall.
Kung asa kini magsugod alas 6 sa buntag basi sa naaprubahan resolusyon sa
hawanan sa konseho. Dugang pamahayag ni PCI Bayona nga ubay-ubay nga mga
personahe ang ipangdeploy palibot sa Sangguniang Panlungsod aron nga
masiguro ang siguridad.
Gawas sa mga personahe gikan sa GSCPO, aduna usab mga personaheng
ipangdeploy gikan sa probinsya sa Sarangani ug South Cotabato ingon man sa
Police Regional Office 12. Anaa man usab ang support unit sama sa
Coastguard, Maritime Group, Joint Task Force Gensan, BFP, ug ang lokal nga
panggamhanan pinaagi sa CSU ug CDRRMO.
Mas pahugtan usab ang ginahimo nga fix ug ramdom checkpoint palibot sa
dakbayan gumikan ubay-ubay nga mga senador ang mahidangat sa duha kaadlaw
nga senate inquiry kalabot sa 8.7 billion Road Right Of Way Scam.
Pagpaklaro ni PCI Bayona nga tanang posibleng mahitabo sulod sa duha ka
adlaw ang adunay contingency plan ug lakip sa ilahang gipangandaman mao ang
posibleng mga lihok protesta. Sa karon matud pa naka-full alert status ang
Gensan City Police Office ug bawal una ang mga leave.
