Davao City – Wala magkumpyansa ang mga awtoridad sa mga posibleng ikasang mga pagpangataki sa New People’s Army (NPA) subay sa ilahang ika-50 nga kasumaran kagahapong adlawa.
Sumala ni Task Force Davao Commander Col. Consolito Yecla atol sa interbyu sa RMN Davao nga nagpabiling taas ang ilahang alerto ug depensa kontra sa mga NPA.
Gisulti ni Yecla nga nagpadayon sila sa hugot nga pagmonitor sa lihok sa maong mga grupo aron mamentenar ang kalinaw dinhi sa syudad.
Samtang, gibatbat ni Davao City Police Office (DCPO) Head Police Col. Alexander Tagum nga abante sila kanunay kontra sa mga SPARU Units sa NPA.
Mas gipalig-on pa nila ang seguridad sa mga 12 ka mga istasyon sa pulis labaw sa mga nahimutang sa mga hilit nga lugar.
RadyoMaN Aimee Guinita
