Davao City – Padayong nagbinantayon ang Sta.Ana ug San Pedro PNP sa ilang area gani gipahimangnoan nga magbinantayon ang kapulisan mismo sa posibleng pagpanghasi sa New People’s Army kun NPA ug sa ilang mga SPARU.
Ang pagpadayon nga pagka-alerto sa kapulisan subay sa nahitabong engkwentro tali NPA ug tropa sa gobyerno sa Paquibato District ug sa may Magsaysay, Davao del Sur.
Alerto ang kapulisan dili lang sa nasangpit nga mga stations kundi ang tanang police station sa syudad sa Davao ilabi na kadtong area diin asa dunay presensya sa mga NPA.
Sumala pa, mas pakusgan pa nila ang pagpahigayon og checkpoints ug foot patrol dinhi sa dakbayan.
Gipahimangnoan usab ang kapulisan nga sundon ang buddy system ug magmaigmaton bisan asa muadto tungod sumala pa usa usab kini nga target sa mga rebelde ilabi na kung mag-inusara ang pulis.
RadyoMaN Paul Canono
