Matud ni Police Regional Office XI Director Police Brigen Leon Victor Rosete nga ang tanang mga provincial director sa rehiyon, iya na nga gimandoan nga mangandam ug pahugtan ang seguridad aron nga di maka lusot ang mga dautang tao nga aduna’y dili maayong tuyo.
Sumala sab ni Rosete nga nagpadayon ang kapulisan sa paglusad sa Law Enforcement Operation aron nga magpahigayon sa anti criminality campaign ug makahimo sa Crime prevention, ilabi na nga di siya mosugot nga adunay mahitabo nga shooting incident kalabot sa piniliay.
Giangkon sa opisyal nga walay natala nga lugar sa rehiyon nga pwede ideklara nga Orange Category, busa nagpabilin sa green category ang syudad ug probinsya sa Davao tungud walay mga election hotspot.
Dugang sa opisyal nga ang tanang mga safety nets gilatag na diha sa kalsada aron padayon nga ma protektahan ang kumunidad ug mga kandidato panahon sa piniliay.
RadyoMaN Bien Abanos
