Ya asegura el liderato del Zamboanga City Police Office (ZCPO) cay preparao ya el modo de seguridad que sila hay implementa na fueblo amediante el prinsipio del un semana actividad del National Youth Day 2017 que por primeraves hay conduci aqui na ciudad.
Asegun con el Acting City Police Director Senior Supt. Neri Vincent Ignacio, ya conveni ya ele con el mga hefe del cada estacion del policia que donde hay conduci con el mga actividades del NYD 2017 para asegura cay nuay algo insidente que hay ocuri na lugar donde sila chene cuantos programa, lo mismo hinde fuede toma ventaja estos mal-elementos coneste actividad.
Si Ignacio ya abla cay fuera con el diila fuerza na policia, chene tambien omento fuerza el military bajo na Task Force Zamboanga que hay suporta canila vigila con el presencia del mas o menos tres mil mga participantes del NYD 2017 que donde ta participa el mga jovenes desdel deferentes parte del paiz prinsipiando Noviembere seiz hasta dies. *– Bhong Simbajon/RMN News*
