Polomolok, South Cotabato— Patay ang usa ka Aris Sulaiman, 25 anyos nga residente sa Prk. Bagtindon, Brgy. Magsaysay, polomolok south cotabato human kining gisupil alas 11 ang takna sa sayong kaudtuhon sa may Zone 4, Vicente fin, Brgy. Magsaysay.
Sumala kang Police Senior Inspector Romeo Albano Jr, chief investigator sa Polomolok MPS nga basi sa ilahang inisyal nga imbestigasyon, adunay daang kaso sa illegal nga druga, paglapas sa R.A 7610 ug ang pinaka-bago mao ang physical injury.
Ayha matud pa nahitabo ang pagpamusil patay sa biktima, nagdula pa kini sulod sa usa ka computer shop dihang kalit nga misulod ang mga suspek ug dayon gipusil ang biktima.
Dugang pamahayag ni PSI Albano nga druga ang ilahang ginatutukan nga posibleng unang motibo sa krimen gumikan kini maoy pinakadako niining kaso. Wala man usab matulod nga suspek ang mga testigo gumikan sa paspas matud pa nga panghitabo gawas nalang sa sakay sa usa ka xrm nga motorsiklo ang mga suspek nga color itom.
Narekober gikan sa crime scene ang mukabat sa duha ka mga slug ug pito ka mga empty shell gikan sa kalibre 45 nga armas. Apan wala pa nila masayran kung pila ang naangkon niining igo pinusilan gumikan nagdumili ang kabanay nga ipahiling sa kapulisan.
