General Santos City – May gipadugang na nga pulis magbantay sa palibot sa General Santos City Jail human gikanayon ni Jail Superintendent Peter Bongngat ang pagdaghan sa mga ‘high risk inmates’.
Sumala sa pagsaysay sa City Jail Warden Supt. Peter Bongngat ngadto sa regular session sa Sangguniang Panlungsod iyahang gihangyo ang Police Regional Office o PRO-12 dugangan ang bantay.
Kini aron masiguro ang seguridad sa Bureau of Jail Management and Penology kun BJMP personnel ug mga persons deprived of liberty tungod sa pagdaghan sa mga ‘high risk inmate’ sa pasilidad nga nadakpan sa nagkadaiyang bahin sa rehiyon.
Dugang pa sa jail warden nga adunay pipila ka sakop sa Bangsamoro Islamic Freedom Fighter nga nasikop sa rehiyon.
Gilauman sa opisyal nga may dugang bahad sa pagpangatake sa presohan gumikan sa presensiya sa mga high risk detainees.
Base sa datus gikan sa City Jail, adunay kapin sa 1,500 ang mga lalaking preso samtang anaa sa 100 ang inmates nga babaye.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 104887565_733288860581158_3492320083941868586_n.jpg]
