![DAVAO-AIRPORT-2.jpg](https://i0.wp.com/rmn.ph/wp-content/uploads/2023/09/DAVAO-AIRPORT-2.jpg?resize=696%2C387&ssl=1)
Davao City – Naghangyo ang otoridad sa Davao International Airport sa publiko nga musabot sa mas hugot nga gipatumang seguridad human sa pagbusikad sa Molotov bomb sa Ninoy Aquino International Airport.
Sumala ni Engr. Rex Obcena, Manager sa Davao International Airport nga mas gipahugtan nila karon ang koordinasyon sa tanang security stakeholders sa Davao Airport aron ipatuman ang pinaka estrikto nga seguridad sa tanang musulod sa tugpahanan.
Matud ni Obcena nga kabahin sa pagpahugot sa seguridad ang pagsigurong mapailalom ang tanang pasahero sa high-tech screening control measures sa dili pa hingpit makasakay sa eroplano.
Nanawagan sa publiko ang tagdumala sa Davao Airport nga musabot sa hugot nga seguridad ilabina sa mga kabanay nga muhatod ug mupagikan sa ilang mga pasahero.
RadyoMaN Erin Lumosbog
Facebook Comments