General Santos City—all Set na ang pagpangandam sa Polomolok Municipal Police Station sa umaabot nga selibrasyon sa 14th Flomlok Festival ug 60th Foundation Anniversary sa lungsod nga magsugod karong Setyembre 8 ngadto sa Setyembre 10, 2017.
Sumala ni Police Sr. Inspector Hernan Gabat, Deputy Chief Of Police sa Polomolok Municipal Police Station nga sila sa kapulisan andam na sa paghatag ug siguridad sa maong selibrasyon.
Adunay igong ihap sa kapulisan nga ideploy sa sentrong bahin sa lungsod. Anaa usab ang Militar ug uban pang force Multipliers mutabang sa pagbantay sa siguridad.
Bawal ang bagpack, pointed weapon, pusil ug uban pa. samtang nanghimangno usab si Gabat ngadto sa katawhan nga likayan ang pagsuroy-suroy ngahilabihan hubog sa mga venue sa selebrasyon aron malikayan ang gubot.
