General Santos City–Andam na ang Sarangani Police Office alang sa pagbantay sa seguridad karong adlawng Domingo sa Sarangani Capitol Gym dungan sa laban ni fighting Sen. Many Pacman Pacquiao.
Nasayran nga adunay ipahigayong free viewing sa laban ni Pacman alang sa mga katawhan sa Sarangani.
Sumala ni Police Supt. Teody Condesa, tigpamaba sa Sarangani Provincial Police Office nga ang Alabel PNP ug uban pang unit sa kapulisan sa probinsya maoy natahasan nga mubantay sa seguridad sa Sarangani Capitol Gym kung asa sama sa naandan, gilaumang dagsaon ug mga fans ni Pacman.
Gipahinumduman ni Police Supt. Condesa ang katawhan nga likayan ang pagdala ug mga hinganiban, pusil ug ilimnong makahubog.
Sumala niini nga dapat gihumdumon sa katawhan nga adunay gipatuman karon nga comelec gun ban.
Kinsa man nga madakpang adunay dalang pusil ug hait nga hinganiban, posible sumala pa nga mag-atubang ug patong patong nga kaso.
