Gisiguro sa Bukidnon Police Provincial Office ang kaluwasan sa publiko nga mulaag sa Kaamulan Festival 2019.
Sa interview sa RMN Malaybalay ngadto kang Police Captain Jisell Longakit, ang spokesperson sa PNP Provincial Command gibutyag niini nga aduna silay gipangbutang nga mga police assistance desk.
Matud ni Longakit nga adunay 10 ka mga PAD ang ilang gimontar nga adunay mga pulis nga nakaduty sugod kaniadtong Sabado, Marso 13 nga mao ang opening sa selebrasyon ug mulungtad kini ngadto sa April 13.
Aduna usay mga augmentation gikan sa nagkadaiyang lungsod aron mutabang sa pagbantay sa seguridad.
Gawas niini adunay mga checkpoint usab silang pagahimoon aron mapugngan ang mga tawo nga adunay plano mohimo’g dautan.
Alayon niini gipahayag sa PNP nga mamahimong mag-enjoy ang publiko samtang mulaag sa Kaamulan Park ug sa Provincial Zoo dungan sa hangyo sa publiko nga suportahan sila aron malinawon ang kinatibuk-ang kasaulugan sa Kaamulan Festival 2019.
