General Santos City–Human sa nadiskubrehang minilyon nga kantidad sa smuggled nga sigarilyo sa usa ka balay sa Purok Kulasi, Barangay Labangal ug ang pagkasikop sa pipila ka Indonesian National nga lambigit sa pagpalusot ug smuggled nga sigarilyo gikan sa nasud Indonesia, mas gipahugtan na karon ang pagbantay sa mga baybayon sa Gensan ug Sarangani.
Sumala ni Police Regional Office-12 Director Police Chief Supt. Marcelo Morales nga nakig-alayon na siya ngadto sa Philippine Navy, Philippine Coastguard Ug Philippine Maritime aron nga pakusgan pa nila ang pagbantay aron nga dili basta-basta nga malutsan niining mga iligalista nga gaagi sa back door gikan sa ubang nasud.
Samtang naghimo na usab ug lakang si Gen. Morales aron nga madungagan ang water asset sa rehiyon. Samtang gihangyo usab niini ang mga mananagat nga mutabang sa pagmonitor niining mga smugglers nga gaani sa kadagatan.
